ԵՐԵՎԱՆ, 17 ՀՈՒԼԻՍԻ, ԱՐՄԵՆՊՐԵՍ: Ռուսաստանի Դաշնության Պետական Դումայի միգրացիայի եւ քաղաքացիության հարցերով հատուկ ներկայացուցիչ, Սփյուռքի եւ ինտեգրման ինստիտուտի ղեկավար Կոնստանտին Զատուլինը (“Եդինայա Ռոսիա” խմբակցություն) հուլիսի 17-ին հանդիպել է Ռուսաստանում ՄԱԿ-ի ՓԳՀ-ի ներկայացուցչության ղեկավար Վաննո Նուպեկի հետ:

Հանդիպումը տեղի է ունեցել ինստիտուտում, որտեղ պարոն Վանո Նուպեկը եւ նրա գործընկերները Կոնստանտին Զատուլինի հետ քննարկել են միգրանտների նկատմամբ ռուսական օրենսդրության զարգացման, ՄԱԿ ՓԳԿՎ-ի Մոսկվայի գրասենյակի փորձագիտական փոխգործակցության, փախստականների հարցերով Պետական Դումայի հետ համագործակցության, ՓԳԿՎ-ի եւ Սփյուռքի ինստիտուտի միջեւ համագործակցության եւ ինտեգրման հարցերը:

Կոնստանտին Զատուլինը պատմել է քաղաքացիության վերաբերյալ ռուսական օրենսդրության նորամուծությունների եւ հուլիսի 15-ին ՌԴ “փախստականների մասին”օրենքում ընդունված փոփոխությունների մասին: ՄԱԿ ՓԳՀ-ում ուշադիր հետեւում են Ռուսաստանում տիրող իրավիճակին եւ դրական են գնահատում վերջին օրենսդրական մոտեցումները:

Զրույցի ընթացքում հնչեց ՄԱԿ-ի ՓԳՀ-ի կողմից կազմակերպվող միջազգային համաժողովներին Ռուսաստանի խորհրդարանի ներկայացուցիչների մասնակցության անհրաժեշտության փոխադարձ ըմբռնումը, որտեղ վերջին ժամանակներս Ռուսաստանի Դաշնությունը ներկայացնում էին միայն ԱԳՆ-ի եւ ՆԳՆ-ի պատվիրակները: Հյուրերն իրենց պատրաստակամությունն են հայտնել մտքեր և նյութեր փոխանակելու համար, որոնք կարող են ծառայել պետության կողմից միգրացիայի ոլորտում օրենսդրության կատարելագործմանը և աշխատանքների կազմակերպմանը: Պայմանավորվածություն է ձեռք բերվել հոկտեմբերին օտարերկրյա երկրներում միգրանտների հետ աշխատանքի կազմակերպման փորձի վերաբերյալ միջազգային կլոր սեղանի նախապատրաստման եւ անցկացման մասին, որի վերջնական ժամկետները կորոշվեն սեպտեմբերին: